Меню

/1944/. Завхан аймгийн Дөрвөлжин сум. Нийслэлийн 11 жилийн “Эхлэл” дунд сургуулийн сургалтын менежер байхдаа Гавьяат багш /2006-01-26. №22/.
1968 онд МУИС-ийг математикч мэргэжлээр төгссөн. Завхан аймгийн Нөмрөг, Баянхайрхан, Ургамал сумын дунд сургуульд багш, хичээлийн эрхлэгч, захирлаар 1968-1985 онд, Ховд аймаг дахь БДС-д багшаар 1985-1992 онд, Завхан аймгийн Боловсрол соёлын төвд арга зүйчээр 1992-1999 онд ажиллаад 2000 онд Улаанбаатар хотод шилжин Баянгол дүүргийн “Эхлэл”, 13 дугаар дунд сургуульд /хоёуланд зэрэг/ багш, менежерээр ажиллаж буй ажээ. 2000-2004 оны 13 дугаар сургуулийн 1-10 дугаар ангийн сурагчдаас 62 сурагч математикийн сургууль дундын болон дүүргийн олимпиадуудаас алт, мөнгө, хүрэл медаль хүртжээ. 2001 оноос “Эхлэл” сургуулийн математикийн гүнзгийрүүлсэн сургалттай ангид хичээл заахын зэрэгцээ 7-9 дүгээр ангийн “Геометр”, 10, 11 дүгээр ангийн “Алгебрь анализын эхлэл” сурах бичиг, 20 гаруй гарын авлага бичиж, багш сурагчдын хүртээл болгожээ. 2000 онд “Алтан гадас” одонгоор болон Ардын хувьсгалын 60, 70, 80 жилийн ойн хүндэт медалиар шагнагджээ.