Меню

/1929/ Завхан аймгийн Ургамал сум. Нийслэлийн ажилчин залуучуудын ээлжийн сургуулийн зөвлөх багш байхдаа Гавъяат багш /2002-02-07.№12/
МУИС төгссөн. Монгол хэл, уран зохиолын багш мэргэжилтэй. Завхан аймаг, Нийслэлийн сургуулиудад багш, Улаанбаатар хотын Политехникумын ХЗЭ-ийн хорооны нарийн бичгийн дарга, Улаанбаатар хотын ХЗЭ-ийн хороонд лектор, ажилчин залуучуудын ээлжийн сургуулийн захирал, зөвлөх зэрэг ажлыг хийсээр иржээ. Ажилчин залуучуудын ээлжийн сургуулийн захирлаар 23 жил ажиллахдаа олон мянган залуусыг бүрэн дунд боловсролтой болгосон бөгөөд тэднээс нь жил бүр 40-60 хүн их, дээд сургууль, коллеж, дамжаанд элссэн байна. Боловсрол, залуучуудын байгууллагад 50 гаруй жил ихэвчлэн удирдах, зохион байгуулах ажил хийж өсвөр үе, залуучуудыг боловсролтой, хүмүүжилтэй иргэд болгож төлөвшүүлэхэд идэвх санаачилга, үр бүтээлтэй ажиллаж амжилт гаргасан ахмад сурган хүмүүжүүлэгч ажээ. Уран зохиол сонирхон оролдож голцуу хүүхэд залууст зориулсан 10 гаруй ном хэвлүүлсэн байна. “Авъяас нийгмийн үнэт баялаг”, “Бидний үеийн багш нар” хоёр дэвтэр дурсамж ном туурвин олны хүртээл болгожээ. Сүхбаатарын одон, Хөдөлмөрийн гавъяаны улаан тугийн одон, “Алтан гадас” одон, Хөдөлмөрийн хүндэт медаль, ойн хүндэт медалиудаар шагнагджээ.