Меню

/1931-2004/. Говь-Алтай аймгийн Төгрөг сум. Говь-Алтай аймгийн Есөнбулаг сумын сургалт үйлдвэрлэлийн төвийн хөдөлмөрийн багш байхдаа Гавьяат багш /1997-05-15. №79/.
    Багшийн сургууль, УБДС төгсчээ. 1957 оноос хөдөлмөрийн гараагаа эхэлж Говь-Алтай аймгийн Алтай хот /Есөнбулаг сум/-ын 10 жилийн дунд сургуульд тоо, физик, шугам зургийн хичээлийн багшаар тасралтгүй 40 гаруй жил ажиллажээ. 1969 онд улсад анх сургууль дундын үйлдвэр сургалтын төв санаачлан байгуулсан нь сурагчдад ерөнхий боловсролын зэрэгцээ хөдөлмөрийн дадлага олгоход их ач тустай болсон байна. Орос хэлний лингафоны кабинет, цахилгаан төхөөрөмж бүхий иж бүрэн кабинет байгуулсан зэрэг олон арван санал санаачилга гаргаж орон нутагт боловсролын байгууллагыг хөгжүүлэхэд ихээхэн хувь нэмэр оруулсан байна. Монголын багш нарын IV, V их хуралд төлөөлөгчөөр оролцсон байна. Хөдөлмөрийн гавьяаны улаан тугийн одон, “Алтан гадас” одон, Ардын хувьсгалын 50, 60, 70, 80 жилийн ойн хүндэт медалиар шагнагджээ.