Меню

/1931/. Дундговь аймгийн Сайхан-Овоо сум. АУИС-ийн тэнхмийн эрхлэгч байхдаа Гавьяат багш /1991-07-05. №161/.
    Улаанбаатар хотод Офицерын сургуульд 1947-1951 онд, МУИС-ийн анагаах ухааны факультетэд 1951-1956 онд суралцаж төгсчээ. Хүний их эмч мэргэжилтэй. Улаанбаатар хотын АУДуС-д 1956-1968 онд багш, 1968-1970 он, 1973 оноос хойш насны тэтгэвэрт гартлаа АУДС-д халдварт өвчин судлалын багш, тэнхмийн эрхлэгч, энэ хооронд 1970-1973 онд Дундговь аймгийн Нэгдсэн эмнэлэгт ерөнхий эмчээр ажилласан байна. Эмнэлгийн дунд, дээд мэргэжлийн, тэр дундаас халдварт өвчний чиглэлээр боловсон хүчнийг сургаж бэлтгэхэд эрдэм мэдлэг, хүч зүтгэлээ зориулсан нэрт сурган хүмүүжүүлэгч ажээ. Түүний удирдсан тэнхим 1986-1990 онд сургуульдаа сурлагын чанараар тэргүүлж, ахлах ангийн оюутнуудаас мэргэжлийн багш нарын хичээл заалтаар санал авахад хамгийн өндөр оноо авч тэргүүн байранд шалгарчээ. Багшлахын сацуу халдвартын ерөнхий зөвлөхөөр ажиллаж өвчлөл, нас баралт өндөртэй мэнин, сахуу, улаанбурхан, гэдэсний хижиг зэрэг өвчний хүнд хэлбэрийг оношлох, эмчлэх чадварыг дээд зэргээр эзэмшин шавь нартаа сургах талаар уйгагүй хөдөлмөрлөсний дүнд эдгээр өвчний гаралт, өвчилсөн хүний нас баралт их багасчээ. Ардын хувьсгалын 40, 50, 60 жилийн ойн хүндэт медалиуд, Засгийн газрын Хүндэт жуух бичиг, 1995 онд профессор цолоор шагнагджээ.