Меню

/1949/. Дундговь аймгийн Дэрэн сум. Дундговь аймгийн Дэрэн сумын найман жилийн дунд сургуулийн багш байхдаа Гавьяат багш /1990-07-20. №176/.
    Улаанбаатарт УБДС дүүргэсэн. Монгол хэл, уран зохиолын багш мэргэжилтэй. Дундговь аймгийн Дэлгэрцогт, Дэрэн сум, Мандалговь хотын 10 жилийн нэгдүгээр сургууль, нийслэлийн Өсвөрийн зохион бүтээх төвд багшилсаар иржээ. Тулгуур дохио, зангидан бүлэглэх зэрэг өвөрмөц арга зүйг боловсруулан практикт нэвтрүүлэн, үзүүлэнт хичээлийн аргыг чадамгай хэрэглэж монгол хэл бичгийн сургалтыг чанаржуулан сайжруулж амжилтад хүрсэн байна. Монгол хэл, монгол бичиг, уран зохиолын иж бүрэн үзүүлэнт ном, 2-10 дугаар ангийн багш, сурагчдад зориулсан “Хэлбичгийн тулгуур дохио, зөвлөмж”, “1-8 дугаар ангийн монгол хэл, уран зохиолын хичээлээр яриа, бичгийн дадлага сургах сорилууд” ном туурвисан нь манай орны ерөнхий боловсролын сургуулиудад хэрэглэгдэж байна. МАХН-ын XIX, МХЗЭ-ийн XVIII их хуралд төлөөлөгчөөр оролцжээ. “Алтан гадас” одон, Ардын хувьсгалын ойн хүндэт медалиудаар шагнагджээ. Эднийх дэлхийн энхтайвны төлөө гэр бүлийн холбооны “Шилдгийн шилдэг гэр бүл”-ээр 2002 онд өргөмжлөгджээ. Дурдатгалын ном бичиж хэвлүүлсэн байна.