Меню

1918-1987/. Сэлэнгэ аймгийн Алтанбулаг сум. Сэлэнгэ аймгийн Зүүнхараагийн нэгдүгээр дунд сургуульд багш байхдаа Гавьяат багш /1975-08-19. №174/.
Улаанбаатар хотын Багшийн сургууль төгсчээ. 1938 оноос Хэнтий, Сэлэнгэ аймгийн ерөнхий боловсролын сургууль, Алтанбулаг хот дахь Хөдөө аж ахуйн техникумд захирал, багшийн албыг 40 гаруй жил хашжээ. Сэлэнгэ аймгийн Зүүнхараа хотын нэгдүгээр сургуульд биологийн багшаар ажиллаж байхдаа олон төрлийн амьд амьтан, цэцгийн хүлэмжтэй байгалийн кабинет байгуулж сургалтад ашигласан нь сургалтыг байгальд улам ойртуулж, сурагчдад байгаль хамгаалах экологийн мэдлэг олгож хүмүүжүүлэхэд их тустай болжээ. Гавьяат алдар цол хүртэх хүртэлх 37 жилд 15560 гаруй хүүхдийг сурган хүмүүжүүлжээ. 1961 оноос хойших 13 жилд заасан хичээлээрээ сурлагын 100 хувийн амжилтыг тогтмол гаргажээ. Ардын Их хурлын депутатаар сонгогдож, Хөдөлмөрийн гавьяаны улаан тугийн одон, “Алтан гадас” одон, Хөдөлмөрийн хүндэт медаль, ойн хүндэт медалиудаар шагнагджээ.