Меню

/1937-2002/. Дорноговь аймгийн Сулинхээр /Хатанбулаг/ сум. Дорноговь аймгийн Хатанбулаг сумын бага сургуулийн эрхлэгч байхдаа Гавьяат багш /1971-06-30. №108/.

1944-1952 онд бага, дунд сургууль, 1952-1956 онд Улаанбаатар хотын Багшийн сургуульд суралцаж, бага ангийн багш мэргэжилтэй болжээ. Хөдөлмөрийн гараагаа 1956 онд Налайх хотын сургуульд багшаар эхэлж, Дорноговь аймгийн Зүүнбаян, Хөвсгөл, Сулинхээр, Хатанбулаг сумын сургуульд багш, захирлын албыг насны тэтгэвэрт гартлаа 40 гаруй жил хашсан байна. Хатанбулаг сумын сургуульд захирал байхдаа хуучин материал, тоног хэрэгсэл сэлбэн ашиглаж сургуулиа цахилгаантай, техникийн кабинеттай, радио узельтэй болгож, фото аппаратаар хичээлийн диафильм, хуучирсан зайг сэргээн цэнэглэж үзүүлэн таниулах хэрэгслийн гэрэлтүүлэг хийж, сургуулиа тохижуулсан нь хөдөөгийн ахуй нөхцөлд техник хэрэгсэл нэвтрүүлж сургалтад ашиглах алхам болсон учир ерөнхий боловсролын сургуулиудад заавал нэвтрүүлэх туршлага болж байжээ. Энэ нь сурагчдыг техникт сонирхолтой, хичээлийг чанар өгөөжтэй болгоход тустай болсон байна. Ардын Их хурлын депутатаар сонгогдож байжээ. Ардын хувьсгалын ойн хүндэт медалиудаар шагнагджээ.