Меню

/1876-1951/. Сайн ноён хан аймгийн Сайн ноёны хошуу, өдгөөгийн Өвөрхангай аймгийн Хайрхандулаан сум. Гавьяат багш /1949-02-04. №08/.
Гэрийн сургалтаар бичиг үсэг сурч 10 хэдэн настайгаасаа сум, хошууны бичээч, удалгүй аймгийн чуулган жасаанд бичээч болжээ. Улиастайд манж хэл бичгийн сургуульд сурч манж бичигт сайн, нанхиад, түвд хэл гадарлах болсон байна. Тэгээд Сайн ноён хан Намнансүрэнгийн шадар хиа нарын бичээч болжээ. Ардын засгийн эхний жилүүдэд аймгийн яам, тамгын бичээч, эх зохиогч түшмэл, хошуу, сум дахь харилцан туслалцах хоршооны эрхлэгч хийж байгаад 1925 оноос Цэцэрлэг мандал уулын аймгийн Ханхөгшин уулын хошууны бага сургуулийн дарга сургагч болж 1951 он хүртэл өнөөгийн Өвөрхангай аймгийн сургуулиудад тасралтгүй багшилжээ.