Меню

/1902-нас барсан/. Оросын Буриадын нутагт төрсөн. Багшийн сургуульд багш байхдаа Гавьяат багш /1947-03-08. №13/. Эмэгтэй.
Улаанбаатар хотод 1925 онд хоршооны, 1926 онд оюутны /багшийн/ сургууль, 1929 онд улаан гэрийн багшийн түр сургууль төгсчээ. 1926 оноос Алтанбулаг хотын бага сургуульд багш, захирал, 1929 оноос эмэгтэйчүүдийн дунд шинэ соёл дэлгэрүүлэх сургагч багш, Улаанбаатарт үлгэр жишээ бага сургуульд багш, 1934-1970-аад он хүртэл Багшийн сургуульд багшилсан байна. Эхэндээ Гэгээрлийн яаманд мэргэжилтнээр ажиллаж байсан А.И.Жарков гэдэг хүнээс заавар зөвлөгөө авч, улмаар бие дааж монгол хэл бичиг заах аргын хичээлийг багшийн сургуулийн оюутан сурагчид, бага сургуулийн багш нарт олон жил заасан байна. Бага сургуульд үзэх монгол хэл бичгийн сурахыг Ш.Лувсанвандантай хамтран зохиож, “Цагаан толгой”, “Зөв бичих дүрмийн сурах бичиг”, “Хичээнгүй бичиг” зэрэг сурах бичиг, багш нарын гарын авлага нэлээдийг зохиосон нь олон жил ашиглагдсан байна. Сүхбаатарын одон, Хөдөлмөрийн гавьяаны улаан тугийн одонгор тус бүр  хоёр удаа, одон, медалиудаар шагнагджээ.