Меню

/1915-1983/. Сэлэнгэ аймаг. Багшийн сургуульд багш байхдаа Гавьяат багш /1943-05-29. №42/. Эмэгтэй.
    Багшийн сургууль, УБДС төгсчээ. 1931 онд Намын Төв хорооны даалгавраар Багшийн сургуулийн төгсөх ангиас Сэлэнгэ аймагт намын суртал нэвтрүүлэгчээр томилогдон нэг жил ажиллаад эргэж ирж сургуулийнхаа шалгалтыг өгч төгсч, 1932-1933 онд Сэлэнгэ аймгийн Ерөө сумын бага сургууль, Улаанбаатар хотын үлгэр жишээ бага сургууль, Сэлэнгэ аймгийн төвийн дунд сургуульд багшилжээ. 1939-1942 онд Сэлэнгэ аймгийн Гэгээрлийн хэлтсийн даргаар ажиллаж, сургуулиудыг барилгажуулах, материаллаг нөхцөлөөр сайжруулахад ихээхэн хүч чармайлт гаргаж байжээ. 1942 оноос Улаанбаатар хотын Багшийн сургууль, 10 жилийн хоёрдугаар сургуульд насны тэтгэвэрт гартлаа монгол хэлбичгийн багшаар ажилласан байна. Багшийн сургуульд ажиллаж байхдаа бага сургуулийн хоёрдугаар ангид үзэх унших бичиг зохиосон нь дөрвөн удаа хэвлэгдэж, нэгэн бүхэл үеийнхэнд ашиглагдсан байна. Хөдөлмөрийн гавьяаны улаан тугийн одон, “Алтан гадас” одон, Хөдөлмөрийн хүндэт медаль, ойн хүндэт медалиудаар шагнагджээ.