Меню

/1942/. Дорнод аймгийн Матад сум. Үндэсний номын сангийн захирал байхдаа Соёлын гавьяат зүтгэлтэн /2005-11-24.№104/.
    1966 онд УБДС-ийн орос хэл, утга зохиолын ангийг төгсчээ. 1966-1969 онд УБДС-д утга зохиол, орчуулгын багшаар ажиллаж байгаад хэвлэл мэдээллийн байгууллагад шилжиж 1969-1999 онд “Энх тайван, социализмын асуудал” сэтгүүл, МРТУХ-ны хэвлэлийн нэгдсэн редакци, “Ил товчоо” сонинд орчуулагч, ахлах редактор, ерөнхий эрхлэгч, эрхлэгчээр ажиллажээ. 2000-2005 онд “Соёл Эрдэм” дээд сургуульд гүйцэтгэх захирал, тэнхмийн эрхлэгчийн, 2005 оноос одоогийн албыг хашиж буй ажээ. Зохиолч, орчуулагч тэрбээр Л.Гумилевын “Хар домог”, Ч.Айтматовын “Цаазын тавцан” зэрэг 16 ном, бүтээлийг орос, англи хэлнээс орчуулжээ. Эрдэмтэн зохиолч, нэрт орчуулагч Б.Ринчен судлалын үндсийг Монголд анх тавьж “Билгүүн номч Бямбын Ринчен” зэрэг 4 номыг эмхэтгэж хэвлүүлсэн байна. Мөн “Цэцэн билгийн сувд эрхи” (англи-монгол, монгол-англи цэцэн үгийн толь), “Тэнгэрийн нохой”, “Чингисийн оюун билгийн соёрхол” зэрэг 14 ном туурвисан байна. Хоёр ном ариутган шүүсэн ба нэлээд ном, өгүүлэл нь гадаадад хэвлэгджээ. “Ил товчоо” сониныг анх санаачлан гаргаж Монголд чөлөөт хэвлэлийг хөгжүүлэхэд хувь нэмэр оруулжээ. Үндэсний номын сангийн бүтэц зохион байгуулалтыг боловсронгуй болгох, материаллаг баазыг бэхжүүлэх, үнэт ховор ном судрын хадгалалт хамгаалалтыг сайжруулах, үндэсний бичиг үсгийг хайрлан хамгаалах, түгээн дэлгэрүүлэхэд чухал хувь нэмэр оруулж буй ажээ. 1996 онд Хөдөлмөрийн гавьяаны улаан тугийн одонгоор, 1988 онд “Алтан гадас” одонгоор шагнагджээ.