Меню

/1929-2001/. Говь-Алтай аймгийн Жаргалан сум. Монголын үндэсний бөхийн холбооны дэд тэргүүн байхдаа Соёлын гавьяат зүтгэлтэн /2001-02-19.№35/.
    1958 онд Улаанбаатарт Намын дээд сургууль, 1965 онд ЗХУ-д /хуучин нэрээр/ Москвагийн Соёлын дээд сургууль дүүргэж, 1973 онд “БНМАУ-ын соёл, боловсролыг хөгжүүлэхэд МАХН-ын удирдах роль” сэдвээр философийн ухааны дэд докторын зэрэг хамгаалжээ. 1948-1951 онд ардын цэргийн албыг хааж, 1952 оноос Завхан аймгийн АДХ-ын гүйцэтгэх захиргаанд зааварлагч, 1958-1961 онд Соёлын яаманд орлогч сайд, 1979-1982 онд Холбооны яамны авто баазын дарга, 1982-1991 онд Музейн удирдах газрын дарга, Улсын төв музейн захирлаар ажиллажээ. 1970 оноос Монголын бөхийн холбооны даргаар 8 жил, орлогч даргаар 19 жил ажилласан байна. Соёлын байгууллагын материаллаг баазыг бэхжүүлэх, боловсон хүчнээр хангах, авьяасыг тодруулах, Соёлын гавьяат зүтгэлтэн цол бий болгох, ард иргэдийн соёлжилтыг дээшлүүлэхэд зүтгэл чармайлттай ажилласны дээр биеийн тамир спортын хөгжилд бодитой хувь нэмэр оруулж, бөх судлах, шинжих, үндэсний бөх, чөлөөт бөхийн залгамж халааг олж тодруулах, өсвөр, залуу бөхчүүдийг бөхийн замд хөтлөн оруулахад 30 гаруй жил идэвх санаачилга гарган зүтгэсэн, Монгол бөхийн өргөөг барьж байгуулахад тодорхой хувь оруулсан зүтгэлтэн байжээ. “Алтан гадас” одон, Хөдөлмөрийн хүндэт медаль, Ардын хувьсгалын 40, 50, 60, 70 жилийн ойн хүндэт медаль, МҮОХ-ны “Алтан очир” одонгоор шагнагджээ.