Меню

/1932/. Баянхонгор аймгийн Бөмбөгөр сум. Монголын радио, телевизийн ерөнхий захирал байхдаа Соёлын гавьяат зүтгэлтэн /1990-11-09. №26/.
    Улаанбаатарт Намын дээд сурууль, Москвад ЗХУКН-ын Төв хорооны дэргэдэх Намын дээд сургууль төгссөн. Орон нутагтаа малчин, сумынхаа ХЗЭ-ийн үүрийн нарийн бичгийн дарга, Намын Төв хороонд лектор, суртал нэвтрүүлэгч, 1980 оноос “Үнэн” сонины нэгдүгээр орлогч эрхлэгч, 1990 оноос МРТУХ-ны дарга, 1991-1996 онд “Засгийн газрын мэдээ” сонины эрхлэгч, 1996 оноос мөн сонины зөвлөхөөр ажиллаж байгаад насны тэтгэвэрт гарсан байна. Нийгмийн амьдралд тулгамдсан эмзэг асуудлуудыг хөндсөн олон арван шилдэг нийтлэл бичиж “Миний сэтгүүл зүй” ном хэвлүүлсэн байна. Манай улсын хэвлэл мэдээллийн төв байгууллагуудыг олон жил удирдаж өөрчлөн байгуулалтыг эрчимжүүлэх, ардчилал шинэчлэлийг хөгжүүлэхэд нийтлэл, нэвтрүүлгийн бодлогыг чиглүүлэн зохион байгуулсан чадварлаг зохион байгуулагч, удирдах ажилтан төдийгүй өөрийн бүтээлээрээ тодорхой хувь нэмэр оруулсан нэрт сэтгүүлч ажээ. Одон, медалиудаар шагнагджээ.