Меню

/1931-1990/. Өмнөговь аймгийн Ноён сум. Өмнөговь аймгийн Соёлын ордны найруулагч байхдаа Соёлын гавьяат зүтгэлтэн /1983-09-29. №183/.
    Багшийн сургууль, Урлагийн сургуульд суралцаж, 1971 онд ЗХУ-д /хуучин нэрээр/ Соёлын дээд сургууль төгсчээ. Театрын найруулагч мэргэжилтэй. 1957 оноос Өмнөговь аймагт клубийн эрхлэгч, соёлын ордон, хөгжимт жүжгийн театрт жүжигчин, бүжгийн багш, найруулагчаар ажиллаж байгаад 1989 онд насны тэтгэвэрт гарсан байна. Соёл урлагийн байгууллагад тасралтгүй 30 шахам жил ажиллахдаа хөдөөгийн соёл урлагийн байгууллагыг хөгжүүлэх, жүжигчид, уран сайханчдын ур чадварыг сайжруулах, хөдөлмөрчдөд урлаг, соёлоор үйлчлэх, тэдний соёл, гоо зүйн хүмүүжлийг дээшлүүлэхэд хүч чадал, авьяас билгээ зориулсан байна. “Учиртай гурван толгой”, “Хөхөө Намжил” дуурь, “Монгол бүжиг”, “Жонон хар”, “Цүү хаях”, “Сансрын уудамд” зэрэг олон арван жүжиг, бүжгийг найруулан тоглуулж, өөрөө “Далан худалч”, “Ялалтын жигүүр”, “Тамирын бэр”, “Будамшуу” жүжиг, “Ацаг шүдний зөрүү” киноны дүрийг бүтээсэн байна. Ардын хувьсгалын ойн хүндэт медалиудаар шагнагджээ.