Меню

/1934/. Увс аймгийн Өмнөговь сум. МИАТ-ийн тусгай үйлчилгээний автобаазын жолооч байхдаа Гавьяат тээвэрчин /1991-07-05. №161/.
    1951 онд Төв аймгийн нутаг дахь Шохойн цагаан булгийн үйлдвэрт ажилчнаар орж хөдөлмөрийн гараагаа эхэлж, 1954 оноос цэргийн алба хаахдаа жолооч болжээ. Тэр цагаас хойш тээврийн салбарт тасралтгүй ажилласны дотор 1964 оноос МИАТ нэгдлийн авто баазад жолоочоор ажиллаж аймгуудын нисэх буудлуудад бензин тээвэрлэн хүргэж байжээ. 1979-1983 оны шатахуун тээврийн улсын аварга болжээ. 1971-1990 он буюу 20 жилд техник ашиглалтын нормыг 400,0-90,0 мянган км-ээр давуулж 100,2 мянган төгрөгийн ашиг оруулж, 28 жилийн ажил хийж, 10,9 мянган төгрөгийн шатах тослох материал, сэлбэг, дугуй хэмнэж хөдөлмөрийн өндөр амжилт гаргасан байна. Сүхбаатарын одон, Хөдөлмөрийн гавьяаны улаан тугийн одон, “Алтан гадас” одон, медалиудаар шагнагджээ.