Меню

/1936-2004/. Дундговь аймгийн Луус сум. Дундговь аймгийн Тээврийг удирдах газрын жолооч байхдаа Гавьяат тээвэрчин /1991-07-05. №161/.
    1955 оноос аймгийн авто тээврийн XVII бааз, Тээврийг удирдах газарт токарьчин, слесарьч, жолоочоор тасралтгүй 35 жил ажилласан байна. 1981-1990 он буюу 10 жилд 17033 тн ачаа тээвэрлэж, 3813,7 мянган тн км-ийн үүрэг гүйцэтгэж, 16 жил 2 сарын ажил хийж, сэлбэг, шатахуун, дугуйнаас 21,8 мянган төгрөгийн хэмнэлт гаргасан байна. Клапан билүүдэгч, төмрийн хөөрөг, тэвшний өөрөө буудаг өндөрлөгөө, ац гаргагч, хийн шахуургаар ажиллах машин будагч зэрэг 13 төрлийн шинэ зүйл санаачлан 123 мянган төгрөгийн ашгийг оруулжээ. Таван жолоочтой хамтран саятны төлөө хөдөлгөөнийг анх санаачлан ажиллаж амласан үүргүүдээ хугацаанд нь бүрэн биелүүлж хошой саятан бригад болжээ. МАХН, МХЗЭ, МҮЭ-ийн их хурлуудад төлөөлөгчөөр оролцож байжээ. Хөдөлмөрийн гавьяаны улаан тугийн одон, хошой “Алтан гадас” одон, Хөдөлмөрийн хүндэт медаль, хоёр удаа Засгийн газрын Хүндэт жуух бичгээр шагнагджээ.