Меню

/1937/. Хэнтий аймгийн Биндэр сум. Хэнтий аймгийн Тээврийг удирдах газрын жолооч байхдаа Гавьяат тээвэрчин /1985-07-17. №159/.
    17 настайгаасаа Хэнтий аймагтаа кино механикч, Эрүүлийг хамгаалах газарт механикч-жолоочоор ажиллаж байгаад 1968 оноос аймгийнхаа авто тээврийн бааз, Тээврийг удирдах газарт тээвэрчнээр ажиллажээ. Аймагтаа анх саятны бригадын хөдөлгөөнийг санаачлан ажиллаж амласнаа амжилттай хэрэгжүүлсэн байна. Долоо хоног, сарын ачаа тээврийн урьдчилсан тооцоо гаргаж мөрдөж ажилладгаас норм төлөвлөгөөгөө тогтмол давуулан биелүүлж байсан бөгөөд 1976-1985 он буюу VI, VII таван жилийн төлөвлөгөөг 149-111,5 хувь биелүүлж 23,3 мянган төгрөгийн хэмнэлт гаргаж, 391,8 мянган төгрөгийн ашиг оруулсан байна. МАХН-ын XVII их хурал, тэргүүний кино механикчдын улсын II зөвлөлгөөнд төлөөлөгчөөр оролцжээ. Хөдөлмөрийн гавьяаны улаан тугийн одонгоор хоёр удаа, “Алтан гадас” одон, Засгийн газрын Хүндэт жуух бичгээр шагнагджээ.