Меню

/1915-1999/. Сайн ноён хан аймгийн Эрдэнэ үйзэн гүний хошуу буюу одоогийн Өвөрхангай аймгийн Төгрөг сум. Авто сургуулийн багш байхдаа Гавьяат тээвэрчин /1975-07-16. №142/.
    1932 онд буюу 17 настайдаа Улаанбаатар хотод ирж төв бараа баазад ачигчаар орж хөдөлмөрийн гараагаа эхэлжээ. 1934 онд авто жолоочийн дамжаанд суралцаж төгсөөд Монголтранс, 1936 оноос шуудан тээврийн II баазад жолооч, механикч, гараашийн даргаар ажиллаж байжээ. 1946 онд шилдэг жолооч нарыг Тээврийн яамны авто сургуульд багшаар томилоход тэдний хамт багш болжээ. Жолооны болон дадлагын багшаар 1981 онд насны тэтгэвэрт гартлаа 35 жил ажиллахдаа IV, V таван жилд л гэхэд 4850 гэх мэтчилэн олон мянган хүнд жолооч, слесарьч, механикч мэргэжил эзэмшүүлсэн байна. Даасан ангиа сурлагын 100 хувийн тогтмол амжилттай сургаж байжээ. Шавь нараас нь хөдөлмөрийн баатар, гавьяат тээвэрчин олон төржээ. Хөдөлмөрийн гавьяаны улаан тугийн одон, “Алтан гадас” одонгоор тус бүр хоёр удаа, Хөдөлмөрийн хүндэт медаль, Ардын хувьсгалын 25, 40, 50 жилийн ойн хүндэт медалиар шагнагджээ.