Меню

/1916-2004/. Сүхбаатар аймгийн Уулбаян сум. БХЯ-ны авто, хуягт танкийн хэлтсийн дарга байхдаа Гавьяат тээвэрчин /1973-12-14. №315/.
    1936 онд цэргийн албанд татагдаж Байшинтын V дивизэд цэрэг, жагсаалын дарга, 1939-1948 онд сумангийн дарга, холбооны хорооны штабын дарга, 1948-1952 онд цэргийн мэргэжилтэн бэлтгэх сургуулийн захирал, 1952-1956 онд Цэрэг, нийгмийн аюулаас хамгаалах яамны тээврийн хэлтсийн дарга, 1956 оноос Батлан хамгаалах яамны авто, хуягт танкийн хэлтсийн даргаар ажиллаад 1976 онд насны тэтгэвэрт гарчээ. Зэвсэгт хүчинд байлдагчаас хурандаа хүртэл 41 жил алба хаахдаа Ардын армийг мотомеханикжуулсан арми болгох үйлст бодитой хувь нэмэр оруулсан чадварлаг зохион байгуулагч, техникийн тэргүүний ажилтан байжээ. Сүхбаатарын одон, Цэргийн гавьяаны улаан тугийн одон, Цэргийн гавьяаны одон, хошой “Алтан гадас” одон, хоёр удаа Цэргийн хүндэт медаль, ойн медалиуд, Засгийн газрын Хүндэт жуух бичиг, ЗХУ-ын Байлдааны гавьяаны улаан тугийн одонгоор шагнагджээ.