Меню

/1906-1967/. Хөвсгөл аймгийн Рашаант сум. Хөвсгөл аймгийн Ханхын усан замын газрын дарга байхдаа Гавьяат тээвэрчин /1966-12-10. №176/.
    Хөвсгөл аймгийн усан замын тээвэр 1917 онд анх үүсчээ. Эхэндээ оросын худалдаачид хувийн онгоцоор арилжаа наймаа хийж аялаж байсан бөгөөд 1930 онд Монгол Улс өөрийн усан замаа нээсэн түүхтэй ажээ. Хөвсгөл нуурын өмнөд зах Хатгалаас умард зах Ханх /Турт ч гэдэг/ хүртэлх 127 км усан замын тээвэрт Б.Чадраабал онгоцны ажилчин, усан онгоцны механикч, ахмад, усан замын газрын дарга зэрэг ажил албыг хашжээ. 1957 онд усанд тавьсан шинэ ган онгоц нь өөртөө 600 тн ачаа ачаад 40-50 хүн тээж, тус бүр 200 тн ачаатай гурван чиргүүл чирдэг “Сүхбаатар” хөлөг ажээ. Мөн 400 тн ачааны даацтай чиргүүл онгоцтой тээврийн салбарыг удирдаж байсан манай анхны усан замын тээврийн ахмад байжээ. Ардын Их хурлын депутатаар сонгогдож, одон, медалиудаар шагнагджээ.