Меню

/1938-2001/. Баянхонгор аймгийн Өлзийт сум. Иргэний агаарын тээврийг удирдах ерөнхий газрын тээврийн эскадрилийн “АН-24” онгоцны дарга байхдаа Гавьяат нисгэгч /1981-05-07. №121/
    Улаанбаатарт Төмөр замын техникум, нисгэгчдийн түр сургуульд суралцаж холбооны техникч, нисгэгч мэргэжилтэй болжээ. 1960-1963 онд “АН-2”, 1963-1969 онд “ИЛ-14” онгоцны нисэх багийн нисгэгч, 1969 оноос “АН-24” онгоцны нисэх багийн дарга, багш нисгэгчээр ажиллаад 1986 онд насны тэтгэвэрт гарсан байна. Ухамсарт амьдралынхаа 30 орчим жилийг Монголын иргэний агаарын тээврийн албанд зориулж шуудан тээврийн болон тусгай үүргийн нислэгээр агаарт 10 гаруй мянган цаг нисч, 4 сая шахам км замыг туулсны дотор 956 удаагийн аяллаар Засгийн газрын тусгай үүргийн нислэгийг нэр төртэй биелүүлж байжээ. 30 гаруй залуу нисгэгчдийг онгоцны даргын бэлтгэл болон шөнийн нислэгийн дадлага олгох ажилд сургаж багшилжээ. Ардын Их хурлын депутатаар сонгогдож, Цэргийн гавьяаны одон, “Алтан гадас” одон, медалиудаар шагнагджээ.