Меню

/1941/. Баян-Өлгий аймгийн Цэнгэл сум. Баян-Өлгий аймгийн Техник туслалцааны барилгын IV трестийн дарга байхдаа Гавьяат барилгачин /1990-07-07. №163/.
    1965 оноос хөдөлмөрийн гараагаа эхэлж, 1972 оноос Баян-Өлгий аймгийн Техник туслалцааны барилгын IV трестийн даргаар ажиллажээ. Тус трест 1980 оноос хойших 10 жилд 223 барилга барьж ашиглалтад оруулахдаа дунджаар жилд 35,5 сая төгрөгийн барилга угсралтын ажил гүйцэтгэж, төлөвлөгөөг 103,7 хувь биелүүлж, V, VI, VII таван жилийн гавшгайч хамт олон болжээ. 1972 оноос хойш улсад нэг, системдээ 12 удаа, бусад яам, газраас зарласан уралдаанд 7, аймагтаа 12 удаа шалгарч 20 жилийн ойгоороо “Алтан гадас” одонгоор шагнагдсан нь түүний удирдлага, зохион байгуулалтын үр дүн ажээ. Ажилчдынхаа нийгмийн асуудалд түлхүү анхаарч 400 хүний суудалтай клуб, 3 гуанз, 2 мухлаг, хүүхдийн цэцэрлэг, ясли, сувиллын газар байгуулж, туслах аж ахуйг хөгжүүлсэн байна. МАХН-ын XVI, XIX их хуралд төлөөлөгчөөр оролцсон байна. Хөдөлмөрийн гавьяаны улаан тугийн одонгоор хоёр удаа, Ардын хувьсгалын ойн хүндэт медалиудаар шагнагджээ.