Меню

/1917-1995/. Баянхонгор аймгийн Жаргалант сум. Архангай аймгийн Барилга угсралтын конторын барилгын техникч байхдаа Гавьяат барилгачин /1978-12-22. №294/.
    Орон нутагтаа мал маллаж байгаад ардын цэргийн албанд татагдаж хугацаат албыг хаагаад 1949 онд халагдан Улаанбаатар хотод барилгачин болжээ. Улсын төв номын сангийн барилга дээр ажиллаж барилгачны алдарт замаа эхэлжээ. ЗХУ-д /хуучин нэрээр/ очиж Украины Запорожийн орон сууц, иргэний барилгын ТМС-д суралцаж төгссөн байна. 1962 оноос Архангай аймгийн Барилга угсралтын конторт техникч, даамлаар насны тэтгэвэрт гартлаа 30 гаруй жил ажиллажээ. Улаанбаатарт 40 айлын орон сууц, 150 хүүхдийн яслиас эхлээд Төрийн ордны өргөтгөл, Чихэр боовны үйлдвэр, Шаазан ваарны үйлдвэр, Баянхонгор аймагт “Номгон” зочид буудал, Архангай аймагт 160 ортой больниц, “Тамир” кино театр зэрэг 100 гаруй барилгыг удирдан бариулжээ. “Тамир” кинотеатрыг хугацаанаас нь өмнө чанарын өндөр үнэлгээтэй барьсан учир 1970  онд Сайд нарын Зөвлөлийн шагналаар, мөн “Алтан гадас” одон, Хөдөлмөрийн хүндэт медаль, ойн хүндэт медалиудаар шагнагджээ.