Меню

/1926-2001/. Дорнод аймгийн Баяндун сум. МУИС-ийн Барилгын инженерийн факультетийн декан байхдаа Гавьяат барилгачин /1977-12-10. №227/.
    1946-1954 онд Москвад суралцаж архитекторч мэргэжил эзэмшсэн байна. Барилга архитекторын газар, Барилгын зураг төсвийн байгууллагад инженер, удирдах ажил хашиж, МУИС, Политехникийн дээд сургуульд багш, тэнхмийн эрхлэгч, деканаар олон жил ажиллажээ. Улаанбаатарт Улсын их дэлгүүр, Сонгинын амралтын байр, Ховд аймагт театр зэрэг олон барилгын зураг төсвийг зохиосны гадна барилгын дээд мэргэжилтэй боловсон хүчин, архитекторчдыг сургаж бэлтгэх, барилгын архитектурын хөгжил, барилгын материаллаг баазыг бэхжүүлэхэд үнэтэй хувь нэмэр оруулсан байна. Хөдөлмөрийн гавьяаны улаан тугийн одон, “Алтан гадас” одонгоор шагнагджээ.