Меню

/1915-1969/. Сэлэнгэ аймгийн Ерөө сум. Гавьяат барилгачин /1965-02-10. №20/.
    16 настайдаа сумын гүйцэтгэх захиргааны нарийн бичгийн даргаар хөдөлмөрийн гараагаа эхэлж, барилгын байгууллагад жирийн ажилчнаас эхлээд ня-бо, хэсгийн дарга, газрын орлогч дарга, Барилга, барилгын материалын үйлдвэрийн яамны сайд хүртэл ажил алба хашжээ. Барилгын талбайгаар өглөө ажил цуглахаас өмнө явж үздэг, орой мөн очиж танилцдаг, үүнийгээ “Салхинд гарч явна” гэж хөхиүнээр хэлдэг, барилгын явцын талаар инженер техникийн ажилтан, контор, трестийн дарга нарын зөвлөлгөөнийг тогтмол  хийж эрчимжүүлэх арга хэмжээг шуурхай авдаг, зарчимч хатуу шаардлагатай, хугацаатай үүрэг өгч биелэлтийг заавал шалгаж дүгнэдэг, дадлага туршлагагүй хүнд өөрөө зааж өгдөг, мэргэжлийн ахмад ажилчдаас юу сурсныг нь асууж танилцдаг, Туул голоор барилгын модыг салаар урсгаж авчирдаг байхад мод, гуалин бэлтгэх, уулаас цагаалахад өөрөө оролцдог, чухамхүү үйлдвэрлэлийн гүнд орж ажилладаг удирдах ажилтан байжээ. 1954 онд ЗХУ-ын /хуучин нэрээр/ Барилгачдын анхдугаар зөвлөлгөөнд Монголын төлөөлөгчдийн тэргүүнээр оролцжээ.