Меню

 /1954/. Өвөрхангай аймгийн Өлзийт сум. Бөхийн дасгалжуулагч, “Хилчин” бөхийн дэвжээний захирал байхдаа Гавьяат дасгалжуулагч /2003-07-07. №141/.
    Хилийн цэргийн 0132 дугаар ангид байлдагч, БТС-ын “Хүч” хороонд тамирчин, идэвхтэн дасгалжуулагч, “Хилчин” бөхийн дэвжээний захирал зэрэг алба ажлыг хийж иржээ. Жудо барилдаанаар улсын хошой аварга болсон, самбо барилдаанаар олон улсын тэмцээнээс алт, мөнгө, хүрэл медалиуд хүртсэн, самбо бөхөөр ОУХМ, жудо бөхөөр спортын мастер, үндэсний бөхөөр өсөх идэр начин цолтой бөх юм. 1987 оноос самбо, жудо, үндэсний бөхийн дасгалжуулагчаар ажиллаж үндэсний бөхийн тамирчид нь улсын их сорилгод удаа дараа эхний байрууд эзэлж, үндэсний их баяр наадам, даншиг наадам, цагаан сарын болон бусад томоохон барилдаануудаас 2003 оны эхний хагас хүртэлх хугацаанд 35 медаль хүртсэний 25 нь алтан медаль авсан байна. Дасгалжуулсан бөхчүүдээс дархан аварга 1, улсын арслан 2, заан 5, начин 30 гаруй төржээ. МБАТ-ий спартакиадад дасгалжуулсан баг тамирчид нь 5 удаа нэгдүгээр байр, 3 удаа II байр, 4 удаа III байр, Цагдаагийн дэлхийн АШТ-д 1996 онд I байр, 1997 онд Хилийн цэргийн ДАШТ-д II байр эзэлжээ. 2003 он хүртэлх хугацаанд шавь нараас нь хөдөлмөрийн баатар нэг, гавьяат тамирчин 4, ОУХМ 11, спортын мастер 40 төрж, 400 гаруй тамирчин улсын зэрэгтэй болсон байна. Цэргийн гавьяаны одон, Цэргийн хүндэт медаль, Ардын хувьсгалын 80 жилийн ойн хүндэт медалиар шагнагджээ