Меню

/1945/. Улаанбаатар хот. Боксын спортын дасгалжуулагч. Гавьяат дасгалжуулагч /1992-09-18. №140/.
    ЗХУ-д /хуучин нэрээр/ Москвагийн БТДС-ийг 1969 онд төгссөн. БТС-ын “Алдар” нийгэмлэг, Агаарын тээврийн удирдах газар, “Хүч” нийгэмлэг, боксын улсын шигшээ багт дасгалжуулагч, Япон улсад боксын спортын мэргэжилтнээр ажиллаж байжээ. Дунд сургуулийн долдугаар ангийн сурагч байх үеэсээ боксоор хичээллэж МБАТ-ий анхдугаар спартакиадад аварга, Москвад оюутан байхдаа ЗХУ-ын спортын мастер болсон, 1969 онд найрамдалт армиудын тэмцээн, 1974 онд Азийн спортын наадмаас тус тус хүрэл медаль хүртсэн, Монгол Улсын 5 удаагийн аварга, спортын мастер тамирчин. 1972 онд Мюнхенд болсон зуны олимпийн наадамд боксын тамирчин, 1992 оны олимпид боксын дасгалжуулагчаар оролцжээ. “Хүч” нийгэмлэгт дасгалжуулагчаар ажилласан 20 жилийн 16-д шавь нар нь УАШТ-ий эхний гурван байрны эзэд болжээ. Улсын шигшээ багт 36 тамирчин бэлтгэж өгсөн, улсын шигшээ багийн дасгалжуулагч байхдаа олон шилдэг боксчинг төрүүлсний дотроос хэд хэдэн шавь нь олимпийн наадам, дэлхий, тивийн аварга шалгаруулах тэмцээнээс медаль хүртжээ. Цэргийн гавьяаны одон, Цэргийн хүндэт медаль, ойн медалиуд, Засгийн газрын Хүндэт жуух бичгээр шагнагджээ.