Меню

/1929/ Архангай аймгийн Хотонт сум. ДБУАТ-ын дуучин байхдаа МУГЖ /1985-05-20.№123/ Эмэгтэй
Архангай аймагт 1945 онд бүрэн бус дунд сургууль, Улаанбаатар хотод 1947 онд урлагийн сургуульд суралцаж төгсөөд Улсын төв театрт хуваарилагдан очсоноос хойш ДБТ, ДБАТ-ын найрал дууны ангид насны тэтгэвэрт гартлаа дуучнаар ажиллажээ. Д.Лувсаншаравын хүүхдэд зориулж зохиосон “Маамуу нааш ир”, “Бөмбөлөг”, “Хүүхдийн баяр” гэхчилэн дуунуудыг хүүхдийн хоолойгоор, хүүхэд шиг сэтгэж, түүндээ итгэж дуулдгаараа нэрд гарч “Хүүхдийн” хэмээх тодотголтой болж алдаршсан энэ дуучин “Таван өнгийн солонго”, “Сурагчийн жил”, “Маамуу нааш ир” зэрэг хүүхдэд зориулсан бие даасан концертууд бэлтгэн тогложээ. Хүүхдийн найрал дууны “Анхны хараацай” хамтлагийг чадамгай удирдаж тоглуулсан нь “Алтан намар” хөгжмийн наадмын шагнал хүртжээ. Монголын эмэгтэйчүүдийн V их хуралд төлөөлөгчөөр оролцсон байна. Хөдөлмөрийн гавъяаны улаан тугийн одон, Хөдөлмөрийн хүндэт медалиар шагнагджээ.