Меню

/1935-2004/ Дундговь аймгийн Дэлгэрцогт сум. Дундговь аймгийн Соёлын ордны жүжигчин байхдаа МУГЖ /1984-07-24.№144/ Эмэгтэй
1951-1962, 1968-1990 онд Дундговь аймгийн клуб, соёлын ордон, ХДТ-т 1962-1967 онд Худалдааны ажилчдын соёлын ордонд жүжигчин, гоцлол дуучнаар ажиллажээ. Орон нутгийн мэргэжлийн урлагийн байгууллагын жүжигчдэд тавигддаг нийтлэг шаардлагын дагуу дуучин, бүжигчин, жүжигчин, хөгжимчний үүргийг чадамгай гүйцэтгэж “Учиртай гурван толгой”-н Нансалмаа, “Алтан-Ай”-н Алтан Ай гэх мэтээр 80 гаруй жүжгийн гол дүрийг бүтээж, ардын болон зохиолын 300 гаруй дуугаар урын сангаа бүрдүүлсэн, өвөрмөц намбалаг уян налархай хоолойгоор дуулсан дуунуудаараа театрынхаа урын санг баяжуулсан байна. Хөдөлмөрийн хүндэт медаль, Ардын хувьсгалын 40, 60, 70, 80 жилийн ойн хүндэт медалиар шагнагджээ.