Меню

/1944-1994/ Дундговь аймгийн Луус сум. Дундговь аймгийн Соёлын ордны жүжигчин байхдаа МУГЖ /1984-07-24.№144/
Бүрэн дунд сургууль, УБДС-ийн кино драмын ангийг төгссөн. 1968 оноос Дундговь аймгийн Соёлын ордон, ХДТ-т жүжигчин, найруулагч, даргаар нас бартлаа 26 жил тасралтгүй ажиллажээ. Энэ хугацаанд өөрийн тайзнаа тоглосон бараг бүх жүжигт тоглож, олон сайхан дүр бүтээж тоглохын хажуугаар “Хүний эрх”, “Үнэн мөнөөрөө” зэрэг 20 гаруй жүжиг, мөн төдий хэр концерт найруулан театрынхаа урын санг баяжуулсан байна. Түүний найруулсан “Бүрээн дуунаар” жүжиг нь 1979 онд олон улсын хүүхдийн жилд зориулсан уран бүтээлийн улсын уралдаанд II байр эзэлжээ. Хөдөлмөрийн хүндэт медаль, ойн хүндэт медалиуд, Засгийн газрын хүндэт жуух бичгээр шагнагджээ.