/1945/ Төв аймгийн Баяндэлгэр сум. УДБАТ-ын дуучин байхдаа МУГЖ /1981-07-25.№262/ Эмэгтэй
1960 онд дунд сургуулийн долдугаар анги төгсөөд АЦДБЧ-д дагалдан дуучнаар орж хөдөлмөрийн гараагаа эхэлжээ. 1962-1969 онд Болгарын Софи хотын хөгжмийн дэд сургуульд суралцаж төгссөн. 1969-1992 онд ДБТ, ДБАТ-т гоцлол дуучин, 1992 оноос хойш СУИС-д багшаар ажиллаж иржээ. С.Гончигсумлаагийн “Үнэн”-ий Ядмаа, Б.Дамдинсүрэнгийн “Учиртай гурван толгой”-н Хоролмаа, Нансалмаа, “Жаргалын зам”-ын Дулмаа, “Тэмцэл”-ийн Дуламсүрэн, “Мартагдашгүй 42 хоног”-ийн Норжмаа, Л.Мөрдоржийн “Жаргал”-ын Жаргал, Д.Лувсаншаравын “Шивээ Хиагт”-ын Гэрэл, Ц.Нацагдоржийн “Үүлэн заяа”-гийн Наранзэл, Г.Дарамзагдын “Нүүдлийн замд”-ын Нарангэрэл, Ж.Россинийн “Севилийн үсчин”-гийн Розина, П.И.Чайковскийн “Евгений Онегин”-ийн Татъяна, “Иоланта”-гийн Иоланта, Ж.Вердийн “Отелло”-гийн Дездемон, “Травиата”-ийн Аниня, Б.Сметаны “Худалдагдсан бэр”-ийн Мартенки, Ж.Пуччинийн “Турандот”-ын Лиу зэрэг үндэсний болон сонгодог 30 гаруй дуурийн гол дүрийг дуулж, жүжиглэн бүтээсэн байна. “Хөхөө гэрлэх дөхлөө” киноны худалдагч Сувдаа, “Солонгын таван өнгө”-ийн Дондогдулам хатан, “Амьдралын нахиа”-гийн Цэрмаагийн дүрд тогложээ.

Нэмсэн Үзэлт Нэмэгдсэн shnaraa 1,471 18/09/2012 Найздаа илгээх Таны нэр: Таны имэйл хаяг: Хүлээн авагчийн имэйл хаяг:

Үнэлэх Нэвтрэнэ үү Үнэлгээ (0)