/1937/ Сэлэнгэ аймгийн Ерөө сум. УДБТ-ын гоцлол дуучин байхдаа МУГЖ /1981-07-07.№216/
Улаанбаатарт уран сайхны сургууль, Болгарын Софи хотноо хөгжмийн дээд сургууль төгссөн. ДБТ, ДБЭТ-т гоцлол дуучин, СУИС-д багшаар ажиллаж иржээ. Б.Дамдинсүрэнгийн “Учиртай гурван толгой”-н Балган, төвд худалдаачин, “Мартагдашгүй 42 хоног”-ийн Саруул гүн, Х.Билэгжаргалын “Ламбугайн нулимс”-ын худалдаачин, Ц.Нацагдоржийн “Үүлэн заяа”-гийн Хоовондой, С.Гончигсумлаагийн “Үнэн”-ий ноён, Ж.Пуччинийн “Чио Чио Сан”-ы Бонза, Ш.Гуногийн “Фауст”-ын Мефистофель, Ж.Россинийн “Севилийн үсчин”-ий Дон Базилио зэрэг үндэсний болон сонгодог 30 гаруй дуурийн дүрүүдэд дуулж жүжиглэжээ. Дон Базилийн дүрээр 1979 онд Соёлын яамны шилдэг бүтээлийн шагнал хүртжээ. Мефистофелийг гадна хэлбэрийн хувьд ч, сэтгэлийн үйлдлийн тал дээр ч, дуулах ур зүйн үүднээс ч сэтгэлд шингээж тод томруун бүтээсэн гэж үзэгчид, мэргэжлийн хүмүүс үнэлдэг ажээ. Мөн Л.Түдэвийн зохиол “Зэрэг нэмэхийн өмнө” киноны Долдой, Ш.Сүрэнжавын “Гарьд магнай”-н хиа, “Бэрсүүт жүрж”-ийн хадам эцэг гэхчилэн дэлгэцийн өвөрмөц сонин дүрийг чадамгай бүтээсэн нь үзэгчдийн сэтгэлд хоногшсон байна.

Нэмсэн Үзэлт Нэмэгдсэн shnaraa 1,387 18/09/2012 Найздаа илгээх Таны нэр: Таны имэйл хаяг: Хүлээн авагчийн имэйл хаяг:

Үнэлэх Нэвтрэнэ үү Үнэлгээ (0)