/1945/ Хөвсгөл аймгийн Тосонцэнгэл сум. Хилийн ба дотоодын цэргийн дуу бүжгийн чуулгын дуучин байхдаа МУГЖ /1978-09-16.№211/ Эмэгтэй
Дунд сургуулийн 6 дугаар ангийн сурагч байхдаа улсын уралдаанд оролцож “Улсын алдарт дуучин” дипломоор шагнагдаж авъяас нь багадаа тодорсон энэ хүн Архангай аймагт сувилагчийн сургуульд суралцаж байхдаа тус аймгийн соёл урлагийн 10 хоногийн концертод Л.Мөрдоржийн хөгжим “Хөхөө Намжил” дуурийн Алтайн дагинын дуу, монгол ардын дуу “Могой хээр”, казак ардын дуу “Актама”-г дуулж Хөдөлмөрийн хүндэт медалиар шагнагдаж, мэргэжлийн дуучны үнэмлэх авсан байна. Тэр цагаас урлагийн мөр хөөж Хөвсгөл аймгийн Соёлын ордон, Хилийн ба дотоодын цэргийн дуу, бүжгийн чуулгад жүжигчин, гоцлол дуучнаар ажилласаар иржээ. Ч.Лодойдамбын “Гарын таван хуруу”-гийн Сүрэн, Арбузовын “Эрхүүд болсон явдал”-ын Наталья, Ж.Лодойн “Бүрхэг шөнө”-ийн Саран гэхчилэн нэлээд жүжгийн дүр бүтээж, зохиолын болон ардын богино дуунуудыг өөрийн өвөрмөц арга барилаар дуулж нэрд гарсан уран бүтээлч ажээ.

Нэмсэн Үзэлт Нэмэгдсэн shnaraa 1,881 18/09/2012 Найздаа илгээх Таны нэр: Таны имэйл хаяг: Хүлээн авагчийн имэйл хаяг:

Үнэлэх Нэвтрэнэ үү Үнэлгээ (0)