/1933/ Дорноговь аймгийн Улаанбадрах сум. УДБТ-ын гоцлон дуулаач байхдаа МУГЖ /1977-07-10.№137/
ЗХУ /хуучин нэрээр/-ын Свердловск /Екатеринбург/ хотын хөгжмийн дээд сургууль төгссөн. 1954 оноос УХДТ, ДБТ, ДБЭТ-т гоцлол дуучнаар ажиллажээ. Л.Мөрдоржийн “Хөхөө Намжил”-ын Намжил, “Жаргал”-ын Суурь, Б.Дамдинсүрэнгийн “Мартагдашгүй 42 хоног”-ийн Цэмбэл, С.Гончигсумлаагийн “Үнэн”-ий Балдан, Г.Дарамзагдын “Нүүдлийн замд”-ын Пэл, Ц.Нацагдоржийн “Өгөдэй хаан”-ы Елюй Чуцай, Х.Билэгжаргалын “Ламбугайн нулимс”-ын Намнан, П.И.Чайковскийн “Евгений Онегин”-ий Ленский, “Иоланта”-гийн Бургундын гүн, А.Даргомыжскийн “Лусын дагина”-ын ван, Ж.Бизегийн “Кармен”-ий Хосе, Ж.Вердийн “Отелло”-гийн Отелло, Ж.Пуччинийн “Чио Чио Сан”-ы Пинкертон, “Турандот”-ын Калаф зэрэг үндэсний болон сонгодог 30 гаруй дуурийн гол дүрд уран чадварлаг дуулж жүжиглэсэн байна. МҮЭ-ийн их хуралд төлөөлөгчөөр оролцож Төв Зөвлөлийн гишүүнээр сонгогдож байжээ. “Алтан гадас” одонгоор шагнагджээ.

Нэмсэн Үзэлт Нэмэгдсэн shnaraa 1,352 18/09/2012 Найздаа илгээх Таны нэр: Таны имэйл хаяг: Хүлээн авагчийн имэйл хаяг:

Үнэлэх Нэвтрэнэ үү Үнэлгээ (0)