/1936-1996/ Хөвсгөл аймгийн Галт сум. УАДБЧ-ын гоцлол дуучин байхдаа МУГЖ /1973-07-10.№156/
1961-1965 онд барилгын авто тээврийн нэгдүгээр баазад жолооч, 1965 оноос нас бартлаа УАДБЧ-д 31 жил гоцлол дуучнаар ажиллажээ. 1960-1970-аад оны нийтийн дууны урын санд иргэний уянгын дууны цоо шинэ төрлийг манлайлан гарч ирсэн авъяас билэгт дуучин байжээ. “Гайхмаараа”, “Алтан шар зам”, “Найрсаг байгаасай”, “Саальчин бүсгүй”, “Сүүн цагаан сэтгэл”, “Сайн нөхрийн дуу”, “Жолоочийн жаргал”, “Чингис хааны дуу” зэрэг зохиолын олон дуутайн гадна “Сүнжидмаа”, “Эрүү цагаан болжмор”, “Цэнхэрлэн харагдана”, “Сийлэн бөөр”, “Сандуйтай мод” зэрэг монгол ардын богино дуугаараа ардын дууг дуулах уламжлалыг тэтгэж шинэчлэн баяжуулж өөрийн дэгийг боловсруулан өвлүүлжээ. Түүний урын сангийн 300 гаруй дуунаас 100 гаруйг нь Монголын радио алтан сандаа мөнхлөн үлдээсэн байна. Үндэсний бөхийн улсын засуул байв. Ардын хувьсгалын ойн хүндэт медалиудаар шагнагджээ.

Нэмсэн Үзэлт Нэмэгдсэн shnaraa 1,525 18/09/2012 Найздаа илгээх Таны нэр: Таны имэйл хаяг: Хүлээн авагчийн имэйл хаяг:

Үнэлэх Нэвтрэнэ үү Үнэлгээ (0)