/1939-2003/ Архангай аймгийн Цахир /Тариат/ сум. Улсын филармонийн гоцлол дуучин байхдаа МУГЖ /1973-07-10.№156/
1954 онд Тариат сумын бага сургууль, 1957 онд Төв аймгийн Архустын сургууль комбинат төгссөн. Тракторч-комбайнч, гоцлол дуучин мэргэжилтэй. Булган аймгийн Ингэт толгойн сангийн аж ахуйд механикжуулагчаар 4 жил ажиллаад урлагийн ажилд шилжсэн байна. 1962-1972 онд УДБТ-т, 1972-1980 онд Улсын филармонийн “Соёл эрдэнэ”, “Баян Монгол” чуулгад, 1980-1991 онд УАДБЧ-д гоцлол дуучнар ажиллаад насны тэтгэвэрт гарчээ. 1959 онд МЗО-ны анхдугаар их наадам, 1960 онд соёлын ордны сайн дурын уран сайханчдын улсын уралдаан, 1961 онд аймгуудын гоцлол дуучдын уралдаанд Булган аймгаас шалгарч оролцон нэг, хоёрдугаар байр эзэлж байжээ. Уран бүтээлээ монгол ардын богино дуугаар эхэлж, урын сандаа “Ахан дүүсийн дуу”, “Арын хөндийн жавар”, “Хүлээнэ, би хүлээнэ”, “Нууцхан сэтгэл”, “Намраа дуулна”, “Гарын таван хуруу”, “Миний Улаанбаатар” гэхчилэн 300 гаруй дуутай болжээ. Ардын хувьсгалын ойн хүндэт медалиуд, Засгийн газрын хүндэт жуух бичгээр шагнагджээ.

Нэмсэн Үзэлт Нэмэгдсэн shnaraa 1,500 18/09/2012 Найздаа илгээх Таны нэр: Таны имэйл хаяг: Хүлээн авагчийн имэйл хаяг:

Үнэлэх Нэвтрэнэ үү Үнэлгээ (0)