Меню

/1932-1993/ Архангай аймгийн Мөрөн сум. УАДБЧ-ын гоцлол дуучин байхдаа МУГЖ /1971-07-02.№133/ Эмэгтэй
18 нас хүртлээ орон нутагтаа аж төрж байгаад 1950 онд Улаанбаатар хотод орж ирж Оёдлын артельд оёдолчин болж ажиллангаа уран сайханд оролцдог болж, 1953 оноос УАДБЧ-д нас эцэслэтлээ гоцлол дуучнаар ажилласан байна. Монгол ардын уртын дуугаар голлон уран бүтээл хийж “Уяхан замбуутивийн наран”, “Зээргэнтийн шил”, “Ар хөвч”, “Дөмөн”, “Дуртмал сайхан”, “Оломгүй далай”, “Жавхлант сүрэг”, “Хэрлэнгийн баръяа”, “Хөөрхөн халиун” зэрэг олон дуугаараа сонсогч, үзэгчдийн талархал хүндэтгэлийг хүлээжээ. Ардын Их Хурлын депутатаар сонгогдож, Засгийн газрын хүндэт жуух бичгээр шагнагджээ. Хөдөлмөрийн баатар Д.Дэнсмаагийн төрсөн дүү.