Меню

/1935-2003/ Сэлэнгэ аймгийн Алтанбулаг сум. ДБУТ-ын бүжигчин байхдаа МУГЖ /1971-07-02.№133/
1944 онд Дорнод аймгийн Матад сумын сургуульд орж байлдагч Раднаагаар бүжиг заалгаснаар их урлагт замаа эхэлж, 1951 онд Сүхбаатарын нэрэмжит офицерийн сургуулийн долдугаар ангийг ангийг төгсөж, 1952 онд УХДТ-т бүжигчнээр орж урлагийн алтан тайзнаа 50 гаруй жил уран бүтээлээ хийжээ. Б.Асафьевын “Бахчисарайн оргилолт булаг” балетын гол дүрийг бүтээснээс хойш дэлхийн сонгодог болон үндэсний 30 гаруй балетад бүжиглэж жүжиглэсэн байна. Г.Жамъянгийн “Манай нэгдлийнхэн”-ий лимбэч хүү, Л.Минкусын “Дон Кихот”-ын Гамош, Н.Римский-Корсаковын “Шехерезада”-гийн хорон санаат түшмэл, С.Гончигсумлаагийн “Найз залуус”-ын цагаантны офицер, “Хошуу наадам”-ын захирал, Л.Делибийн “Цэнхэр нүдэн бүсгүй”-н Коппелиус, Ж.Чулууны “Уран Хас”-ын Цорж лам зэрэгт давтагдашгүй уран чадамгай бүжиглэж, Балжиннямын найруулсан “Би чамд хайртай” киноны Дэлгэрийн аав Дамбын дүрийг бүтээсэн байна. ДЗО-ны VI, VII их наадамд оролцжээ. Ардын хувьсгалын ойн хүндэт медалиуд, Засгийн газрын хүндэт жуух бичгээр шагнагджээ.