Меню

/1910-1984/. Төв аймгийн Галбадрах /Заамар/ сум. Улсын циркийн жүжигчин байхдаа МУГЖ /1958-12-10. №192/.
    1934 оноос урлагийн байгууллагад ажилласны сүүлчийн 34 жилд нь улсын циркийн жүжигчнээр хөдөлмөрлөжээ. Циркийн урлагийн хөгжөөн баясгагчаар голлон ажиллаж олон түмэнд “Алиа Содном” хэмээн алдаршсан байна. “Тэмээ”, “Говь” “Сандал”, “Биеийн тамир”, “Удган мод”, “Малгай” зэрэг инээдмийн 200 гаруй алиа, шог хошин гарааг бүтээж тоглосны дээр “Зэрэг нэмэхийн өмнө”, “Хүний мөр” гэхчилэн киноны гол дүрийг үзэгчдийн сэтгэлд шингэтэл бүтээжээ. “Гайхамшигт лимбэ”, “Учиртай гурван толгой”, “Гурван хүүхэн”, “Өргөмөл Сувд” зэрэг олон жүжиг, концертыг найруулан төв, орон нутгийн клубүүдэд тоглуулжээ. Хөдөлмөрийн гавьяаны улаан тугийн одон, “Алтан гадас” одон, Хөдөлмөрийн хүндэт медаль, ойн хүндэт медалиудаар шагнагджээ.