Меню

/1900-1953/. Сэлэнгэ аймгийн Баруунбүрэн сум. Улсын төв театрын жүжигчин байхдаа МУГЖ /1941-08-14. №48/.
    Санхүүгийн сургуулийг 1931 онд төгссөн. Тэр жилээсээ Улсын төв театр, УХДТ-т жүжигчнээр нас эцэслэтлээ ажиллажээ. С.Буяннэмэхийн “Эрдэнэт соёмбын эзэн эрэлхэг жанжин Сүхбаатар”-ын Сүхбаатар, Д.Нацагдоржийн “Учиртай гурван толгой”-н Балган, Д.Намдагийн “Шарай голын гурван хаан”-ы Хар гэрт хаан, Б.Бааст, Ц.Цэдэнжав нарын “Ийм нэгэн хаан байжээ”-гийн хаан, Н.Гоголийн “Байцаагч түшмэл”-ийн хотын дарга, Лопе де Вегагийн “Хонины булаг”-ийн Командор зэрэг тайз, дэлгэцийн 100 гаруй дүр бүтээж, хамгийн сүүлд хүнд өвчтэй хэвтэрт байхдаа орлон тоглох хүн олдоогүйнх театрынхаа захиргааны урилгаар дамнуурга дээр дамжлуулан ирж, эм тариа хийлгэж байж Б.Лавреновын “Америкийн дуу хоолой” жүжгийн Бутлерт тоглоод “Амьд явах хоног минь хэдэн сараар сунгагдлаа” гэж урамшин баясч байжээ.