Аймгууд

/1942/. Архангай аймгийн Цэцэрлэг сум. МУИС-ийн монгол хэл, соёлын сургуулийн хэл шинжлэлийн тэнхмийн багш байхдаа Гавьяат багш /2005-11-24. №99/.
1965 онд МУИС-ийг монгол хэл, уран зохиолын багшийн мэргэжлээр улаан дипломтой төгсч, 1975 онд дэд эрдэмтний зэрэг хамгаалсан, профессор цолтой. МУИС-д багш, тэнхмийн эрхлэгч, деканаар 30 гаруй жил, Франц, Итали улсын дээд сургуулиудад зочин багшаар 5 жил ажилласан байна. Орчин цагийн монгол хэлний найруулга зүйн судлалаар дагнан мэргэжиж, монгол хэлийг гадаадын хүнд заах аргачлалыг байнга боловсруулж буй ажээ. “Орчин цагийн монгол хэлний найруулга зүй”, “Найруулан бичих арга ухаан”, “Илтгэх урлаг” зэрэг ном сурах бичиг, гарын авлага 30 гаруйг хэвлүүлж эрдэм шинжилгээний болон сурталчилгааны өгүүлэл 90 гаруйг бичиж нийтлүүлжээ. Түүний бүтээлүүд Монгол, Франц, Орос, Хятад зэрэг улсад хэвлэгдсэн байна. Гурван бүтээл нь Монголын болон гадаадын томоохон шагнал хүртэж, гадаадын болон Монголын таван хүн түүний удирдлагаар эрдмийн зэрэг хамгаалжээ. 1999 онд Хөдөлмөрийн гавьяаны улаан тугийн одон, 1992 онд Хөдөлмөрийн хүндэт медалиар болон ойн хүндэт медалиудаар шагнагджээ. Мөн Франц улсын гавьяаны одонгоор 1998 онд шагнагдсан байна.