Меню

/1931/. Хэнтий аймгийн Биндэр сум. Хэнтий аймгийн төвийн 10 жилийн дунд сургуулийн бага ангийн багш байхдаа Гавьяат багш /1983-07-07. №131/. Эмэгтэй.
1957 онд Багшийн сургууль төгсч, бага ангийн багш мэргэжилтэй болсноос хойш Хэнтий аймгийн ерөнхий боловсролын сургуулиудад олон жил багшилжээ. Бага ангийн хичээл, түүний сэдэв бүрт тохирсон өвөрмөц арга барилаар хичээл сургалтаа явуулдаг энэ багш хүүхдэд бүр анхнаас нь үсэг таниулах, уншуулах, бичүүлэх гурван ажлыг нэг цаг хугацаанд иж бүрдэлээр явуулж, унших, хэлбичиг, математикийн сургалтад хүүхдийн анхаарал сонирхол татсан тоглоомын аргыг хэрэглэдэг онцлогтой ажээ. Тиймээс түүний шавь нар жигд суралцаж III ангийн шавь нар нь ангиараа монгол хэлбичгийн олимпиадад дэд байранд шалгарч, Ардын боловсролын яамны үзлэгээр дундгүй, 100 хувийн амжилт үзүүлж байжээ.