ОЙДОВ Цэвээндоржийн /1953/. Архангай аймгийн Хашаат сум. Киноны дээд сургуульд багш байхдаа Урлагийн гавьяат зүтгэлтэн /2001-02-19. №36/.
Дүрслэх урлагийн дунд сургуулийг 1975 онд, МУИС-ийг 1980 онд төгссөн. Зураач, түүхийн багш мэргэжилтэй. Монгол Улсын төрийн сүлд, Төрийн эрдэнийн тамгыг зохиосон төрийн зураач ажээ. “Их говийн туурь”, “Дурдатгал”, “Чингис хаан”, “Өүлэн эх”, “Мандухай хатан” зэрэг уран зураг, “Улаач”, “Гал үдийн нар”, “Чингисийн дүр буюу хашир малчин”, “Хиросимын гуниг” сийлбэр бүтээжээ. “Мандухай цэцэн хатан” киноны цэргийн хувцас, зэвсэг, эд хэрэгслийн ерөнхий зураач, “Мөнх тэнгэрийн хүчин дор” киноны эх загварын зураач, “Цэц магнай”, “Хүннү гүрэн”, “Занабазар” зэрэг уран сайхны болон баримтат олон киноны  ерөнхий зураачаар ажилласан байна. 1995-1998 онд “Улаанбаатар хивс” ХК-д ерөнхий зураачаар уригдан ажиллаж олон төрлийн хивсний эх загвар зохиож үйлдвэрлүүлжээ. Уран бүтээлийн үзэсгэлэнгээ дотоод, гадаадад хэдэнтээ гаргаж, олон улсын үзэсгэлэнгүүдэд бүтээлээрээ амжилттай оролцож удаа дараа шагнагдсаны дээр МУЭ-ийн нэрэмжит шагналыг хүртсэн байна. “Алтан гадас” одонгоор шагнагджээ.

Нэмсэн Үзэлт Нэмэгдсэн altantuya 1,312 26/02/2013 Найздаа илгээх Таны нэр: Таны имэйл хаяг: Хүлээн авагчийн имэйл хаяг:

Үнэлэх Нэвтрэнэ үү Үнэлгээ (0)