АМГАЛАН Мишигдоржийн /1930-2001/. Ховд аймгийн Манхан сум. Ховд аймгийн Урчуудын эвлэлийн салбарын зураач байхдаа Урлагийн гавьяат зүтгэлтэн /1980-12-22. №286/.Ардын цэргийн албыг хааж, 1963-1967 онд УБДС-д суралцаж уран зураач мэргэжлээр төгсчээ. 1954-1963, 1967-1982 онд Ховд аймгийн ХДТ-ын ерөнхий зураачаар, энэнээс хойш “Мандухай цэцэн хатан”, “Мөнх тэнгэрийн хүчин дор”, “Алтан шонхор”, “Тод магнай” зэрэг уран сайхны киноны хувцасны ерөнхий зураачаар ажилласан байна. Баруун монголын олон ястан, үндэстний эдийн соёлыг сурвалжлан судалж томоохон цомог бэлтгэсэн нь угсаатны зүй, урлаг, соёл, түүхийн судалгаанд үнэ цэнэтэй хэрэглэгдэхүүн, театр, киноны уран бүтээлчдийн гарын авлага болж байна. Мөн Батлан хамгаалах яамны “Догшин хар сүлд”, “Хүндэт харуулын цагаан сүлд”-ийг бүтээсэн байна. Ойн хүндэт медалиудаар шагнагджээ.

Нэмсэн Үзэлт Нэмэгдсэн altantuya 940 18/12/2012 Найздаа илгээх Таны нэр: Таны имэйл хаяг: Хүлээн авагчийн имэйл хаяг:

Үнэлэх Нэвтрэнэ үү Үнэлгээ (0)