ЦОГБАДРАХ Ишданзангийн /1943-1998/ Дорноговь /Говьсүмбэр/ аймгийн Сүмбэр /Шивээ говь/ сум. УАДБЧ-ын хөгжимчин байхдаа МУГЖ /1993-07-03.№16/
Боржгины их дуучин, хуурчдын дунд төрж таван настайдаа морин хуур сурч, 1951 онд ардын хувьсгалын 30 жилийн ойд зориулсан уран сайханчдын улсын үзлэгт оролцож III байр эзэлж авъяас нь тодорсон энэ хүн ХБДС төгсөөд 1961 оноос УАДБЧ-д гоцлол хөгжимчнөөр нас бартлаа 37 жил тасралтгүй ажилласан байна. Хөдөлмөрийн баатар Н.Норовбанзад, ардын жүжигчин Ч.Шархүүхэн, УГЖ Б.Лхамжав, С.Сүглэгмаа, А.Нэргүй, Ш.Чимэдцэеэ нарын уртын дууны нэрт мастерууд энэ хүний хуурын аялгуунд дуулж байжээ. Уртын дууны аялгуу, хөг хэмнэлийн онцгой мэдрэмжтэй хөгжимчин тэрбээр нэлээд бүжгийн ая, үндэсний найрал хөгжмийн найруулга олныг туурвисан хөгжмийн зохиолч бөгөөд ятга, товшуур, царгил, арга эгшгийн лимбэ зэрэг хөгжмийн зэмсэг урлан бүтээж ардын найрал хөгжмийн төрөл зүйл, хөг эгшгийг баяжуулахад үнэт хувь нэмэр оруулсан зохион бүтээгч байжээ. ДЗО-ны их наадмаас гоцлолоор хүрэл, хамтлагаараа алтан медаль хүртэж, Ардын хувьсгалын ойн хүндэт медалиудаар шагнагджээ.

Нэмсэн Үзэлт Нэмэгдсэн altantuya 1,003 15/11/2012 Найздаа илгээх Таны нэр: Таны имэйл хаяг: Хүлээн авагчийн имэйл хаяг:

Үнэлэх Нэвтрэнэ үү Үнэлгээ (0)